Skip to Content

Brunavarnir

Brunavarnir Rangárvallasýslu bs.

Ef eldur kemur upp hringið þá í Neyðarlínuna sími:

112

Brunavarnir Rangárvallasýslu bs.
Hlíðarvegi 16
860 Hvolsvöllur
Sími: 487 8425
Farsími L-3000: 852 0090
 
Slökkvistöðvar Brunavarna Rangárvallasýslu bs. eru á Hvolsvelli og Hellu.

Stjórnendur:
Böðvar Bjarnason, slökkviliðsstjóri,
Gunnar Eyjólfsson, varðstjóri á Hvolsvelli,
Guðni G. Kristinsson, varðstjóri á Hellu.
 

Rangárþing ytra er eignaraðili að Brunavörnum Rangárvallasýslu bs. sem er byggðasamlag í eigu sveitarfélaganna í Rangárvallasýslu.  Brunavarnir Rangárvallasýslu bs. er sameinað byggðasamlag úr slökkviliðum sem áður voru rekin innan sýslunnar.  Slökkvilið voru starfrækt á Hellu og Hvolsvelli og einnig var til slökkvibúnaður að Skógum, í Gunnarsholti og að Laugalandi.  Slökkviliðið á Hellu var í eigu Holtahrepps og Rangárvallahrepps.  Slökkviliðið á Hvolsvelli var í eigu annarra sveitarfélaga í sýslunni.  Hvorugt liðið hafði nægilega burði til þess að búa sig vel út til björgunar- og slökkvistarfa svo sem hugur sveitarstjórnanna stóð til.  Þessi skipting innan sýslunnar var að upplagi í samræmi við skiptingu áhrifasvæða tryggingafélaganna sem önnuðust brunatryggingar.

Eftir að Brunavarnir Rangárvallasýslu bs. tóku til starfa, hafa verið gerðar talsverðar úrbætur á búnaði slökkviliðsins.  Nýjar slökkvibifreiðar hafa verið keyptar fyrir slökkvistöðina á Hellu og bætt hefur verið við ýmsum smærri búnaði.  Áður hafði verið keypt ný og öflug slökkvibifreið fyrir slökkvistöðina á Hvolsvelli.  Rauði krossinn hefur gefið klippubúnað sem hafður er í nýju slökkvibifreiðinni á Hvolsvelli.

Slökkviliðsstjóri og varðstjórar slökkviliðanna á Hellu og Hvolsvelli eru í hlutastörfum hjá Brunavörnum Rangárvallasýslu bs.  Að öðru leyti eru slökkviliðsmenn aðeins í starfi í útköllum og við æfingar.  Slökkvistöðvarnar eru ekki mannaðar en símavakt er hjá slökkviliðunum á víxl.  Þetta er sami háttur og tíðkaður er víðast hvar á landsbyggðinni.

Með því að viðhalda góðri æfingu slökkviliðsmanna og hæfilegri endurnýjun búnaðar er stefnt að því að öryggi íbúa og gesta svæðisins verði eins gott og mögulegt er.



Drupal vefsíða: Emstrur