Skip to Content

Skipulagsmál

Haraldur Birgir Haraldsson er skipulags-, og byggingarfulltrúi Rangárþings ytra.  Starfsstöð hans er á skrifstofu sveitarfélagsins við Suðurlandsveg 1-3 á Hellu. Skrifstofan er opin frá kl. 10-15 alla virka daga.  Sími á skrifstofu er 488 7000 og tölvupóstfang skipulags- og byggingarfulltrúa er birgir(hjá)ry.is

Í Skipulagsnefnd Rangárþings ytra sitja: Þorgils Torfi Jónsson formaður, Haraldur Eiríksson, Anna María Kristjánsdóttir, Yngvi Karl Jónsson og Margrét Harpa Guðsteinsdóttir.  Til vara: Hulda Karlsdóttir, Sævar Jónsson, Sólrún Helga Guðmundsdóttir, Yngvi Harðarson og Steindór Tómasson.

Meðferð skipulags- og byggingarmála er samkvæmt ákvæðum laga nr.123/2010

Umsóknir um byggingarleyfi og framkvæmdaleyfi skulu lagðar inn hjá byggingar- og skipulagsfulltrúa sem fer yfir umsóknir og athugar hvort með fylgi nauðsynleg gögn.Byggingar- og skipulagsfulltrúi leggur umsóknir fyrir skipulags- og byggingarnefndir þegar tilskilin gögn hafa verið lögð fram.Skipulags- og byggingarnefndir afgreiða umsóknir sem uppfylla skilyrði skipulags- og byggingarlaga og reglugerða. Sveitarstjórn þarf að staðfesta afgreiðslur skipulags- og byggingarnefnda.

  • Byggingarleyfisgjöld eru lögð á samkvæmt gjaldskrá Rangárþings ytra. Sjá gjaldskrána hér

  • Skipulagsnefnd fjallar um og gerir tillögur um afgreiðslur á skipulagstillögum.  

  • Byggingar- og skipulagsfulltrúi sér um að auglýsa skipulagstillögur samkvæmt heimild sveitarstjórnar.

Framkvæmdaaðilar gera tillögur að deiliskipulagi þar sem nauðsyn ber til. Framkvæmdaaðilar geta gert tillögur að breytingu á aðalskipulagi ef það er nauðsynlegt vegna framkvæmda eða afgreiðslu á tillögu að deiliskipulagi.Sveitarstjórn annast gerð aðalskipulags. Svæðisskipulög taka yfir fleiri en eitt sveitarfélag og eru gerð í samstarfi sveitarstjórna sem skulu mynda um það samvinnunefnd og einnig á vegum Skipulagsstofnunar og Samvinnunefndar um svæðisskipulag miðhálendis Íslands.

Skipulags- og byggingarlög nr. 123/2010

Skiplagsreglugerð nr. 90/2013

Lög um umhverfismat áætlana nr. 105/2006

Reglugerðasafn



Drupal vefsíða: Emstrur